NESTOR

I.

NESTOR

corporis Alexandri custos, ab Epirotis, ad tollendam Deidamiam, Pyrrhi filiam missus, maiestate vultus illius deterritus, coeptum omisit, Polyaen. l. 8. c. 52.

II.

NESTOR

fil. Nelei et Chloridis, Homer. Od. 2. qui adhuc adolescens bellum gessit, etiam tum vivô patre, adversum Epeos, Peloponnesi populos, qui postea Elii dicti sunt: ac deinde cum Pirithoi nuptiis interesset, adversus Centauros, qui Hippodamiam iam rapere conabantur, strenue pugnavit. Unde Val. Flacc. l. 1. v. 145.

Fert gravis invito victorem Nestora tergo

Monychus. ——— ———

Postremô belli Troiani tempore, iam senior effectus, ut idem Homer. Il. 2. scribit, 50. navibus cum reliquis Graecis Principibus ad Troiam venit; ubi consiliô suô tantum Graecorum rebus prosuit, ut Agamemnon profiteri non dubitaret, brevi se Ilium fuisse expugnaturum, si 10. sibi contigissent Nestores. Nam, praeter summam prudentiam, aetatis dicuturnitate collectam, (quâ

——— Componere lites

Inter Peliden tentavit et inter Atridem,

uti loquitur Horat. l. 1. Ep. 2. v. 12.) tantâ praeterea eloquentiâ excelluit, ut eius ore melle dulcior fluere diceretur oratio. Unde Ἠδυεπὴς Πυλίων ῤήτωρ λιγὺς ab Homero Il. α v. 248. dicitur. Uxorem habuit Eurydicem, Clymeni filiam, ex qua 7. filios et 1. filiam suscepit. Cicer. ad Att. l. 14. Non alienum est dignitate tuâ, quod ipsi Agamemnoni regi fuit honestum, aliquem in consiliis capiendis Nestorem habere. Exegisse autem Nestorem 3. saecula vivendo, Homerus prodidit, ad quod alludit Iuvenal. Sat. 10. v. 246.

Rex Pylius, magno si quicquam credis Homero,

Exemplum vitae fuit a cornice secunde.

Homeri versus de Nestoris vitâ ist est, Od. γ. v. 245.

Τρὶς γὰρ δὴ μίν φασιν ἀνάξαςθαι γένἐ ἀνδρῶν,

Illum iam exegisse hominum tria saecula fama est.

Unde Naevius illum Triseclisenem, quamquam durius, apud Gellium l. 19. c. 7. appellavit. Quam ob causam, de eodem Horat. l. 2. Od. 9. v. 13.

At non ter aevô functus amabilem

Ploravit omnes Antilochum senex

Annos. —— ——

Ipse apud Ovid. Met. l. 12. v. 187.

———— —— —— Vixi

Annos bis centum, nunc tertia vivitur aetas.

Multi aiunt, eum vixisse annos solummodo 90. Inter quos Acron et Eustath. attribuentes saeculo 30. annos. Vide et Iuvenal. Sat. 10. Ovid. l. 12. Metam. Tibull. l. 4. Propert. l. 2. etc. Nic. Lloydius. Heraclidis in Peloponnesum reversis, posteri eius, Alcmaeon, et Paeonis filii: ac Melanthus cum iis, Messene pulsi, cresphonti Aristomachi filio locum fecêre, Pausan. l. 4. Et quidem Melanthus Athenarum postea Rex evasit: ab Alcmaeone et Paeonis filiis, qui itidem Athenas migrârunt, Alcmaeonidarum et Paeondiarum ibi familiae celebres ortum duxêre. Vide supra voce Alcmaeon: it. Messeno etc.

III.

NESTOR

poeta e Lycia regione, pater Lysandri poetae, qui tempore Serveri Principis panxit Ἰλιάδα λειπογράμματον ita, ut libro primo deesset litera α; in secundo nusquam inveniretur litera β; in tertio deesset γ, atque ita in ceteris. Hesych. Suid.

Similiter Odysseam scripsit Tryphiodorus. Item Alexandrinus Grammaticus, qui Marcellum, Augusti sororis filium erudiit, auctor Commentar. theatri. De quo vide Strab. l. 14. Athen. l. 10. Voss. Hist. Graec. l. 2. c. 4. etc. Alius Episcopus Pergae in Pamphylia, et Martyr sub Decio. Item Confessor quidam, qui se Thessalonicae ad monomachiam cum Gigante obtulit; sub Imperatore Maximiniano.